Romeu drejt largimit falas nga Barcelona

Futboll

Romeu drejt largimit falas nga Barcelona

Më: 27 korrik 2025 Në ora: 22:21
Romeu

Barcelona ka kthyer të gjithë fokusin te largimet e lojtarëve gjatë gushtit për të liruar hapësirë dhe paga, në mënyrë që Joan Garcia dhe Marcus Rashford të regjistrohen për sezonin e ri në La Liga.

Pas largimeve të Alex Valle, Ansu Fati, Pablo Torre dhe Pau Victor, klubi po punon për shitje të tjera, transmeton Gazeta Express.

Një nga emrat që pritet të largohet është Oriol Romeu. Mesfushori 33-vjeçar nuk është në planet e Hansi Flick dhe nuk është grumbulluar për turneun në Japoni.

Romeu, që ka vetëm edhe një vit kontratë me Barcelonën, mund të largohet falas.

Valencia dhe Girona janë të interesuara për të, ndërsa Barça pritet të gjejë një marrëveshje për të mbyllur kontratën që i siguron Romeut 3.5 milionë euro në vit.

comment Për komente lëvizni më poshtë
Sot mund të lexoni Shfletoni kopertinat