Regi Lushkja transferohet në kampionatin iranian

Futboll

Regi Lushkja transferohet në kampionatin iranian

Më: 21 gusht 2025 Në ora: 13:06
Regi Lushkja

Mesfushori Regi Lushkja do të vazhdojë karrierën e tij në kampionatin iranian.

Klubi kampion i Shqipërisë, Egnatia, ka konfirmuar se ka arritur marrëveshjen me ekipin Traktor, skuadër ku në të kaluarën kanë luajtur edhe futbollistët shqiptarë Sokol Cikalleshi dhe Ditmar Bicaj.

Në Iran, Lushkja do të ketë përballë edhe një tjetër futbollist shqiptar, Jasir Asanin, i cili aktivizohet me ekipin e Esteghlal.

Mesfushori 28-vjeçar ishte një nga lojtarët më të rëndësishëm në sukseset e Egnatias gjatë sezonit të kaluar, ku ekipi nga Rrogozhina shkroi historinë duke fituar kampionatin. Klubi vijon të jetë aktiv në merkato, si në afrime, ashtu edhe në largime, teksa përgatitet për sezonin e ri.

comment Për komente lëvizni më poshtë
Sot mund të lexoni Shfletoni kopertinat