Tudor e provoi në tri role të ndryshme

Futboll

Tudor e provoi në tri role të ndryshme

Më: 23 shtator 2025 Në ora: 11:09
Teun Koopmeiners

Teun Koopmeiners nuk ka arritur ende të shkëlqejë te Juventusi.

Mbërritja e tij në Torino sezonin e kaluar ishte e vështirë, mesfushori holandez nuk e ka gjetur ritmin, përfshirë edhe ndaj Veronës.

Sipas “Corriere dello Sport”, dyshimet mbi aftësitë e tij po shtohen: “Zbarkimi në Torino mund të jetë shumë për të, ndoshta ka humbur atë vetëbesim që e bëri pikë referimi edhe për Holandën”.

Trajneri Igor Tudor po përpiqet të rigjejë Koopmeiners e vërtetë, duke e provuar në tri pozicione: trekuartist, ‘mezz’ala’ ose ‘mediano’.

Sidoqoftë, kudo është provuar, nuk ka dhënë rezultate inkurajuese.

Presioni mbi të është i madh, duke pasur parasysh shifrën e lartë të transferimit, 60.7 milionë euro.

Për ta ndryshuar situatën i duhet një episod pozitiv, të rikuperohet psikologjikisht. Aktualisht ka humbur hierarkinë në mesfushë, pas Locatelli dhe Thuram, të pandryshueshëm në formacion.

comment Për komente lëvizni më poshtë
Sot mund të lexoni Shfletoni kopertinat