Çmenduri arabe, planifikohet Jurgen Klop si trajner i…

Futboll

Çmenduri arabe, planifikohet Jurgen Klop si trajner i…

Më: 29 shtator 2025 Në ora: 19:12
Jurgen Klopp

Klubi i Al Itihad ka ndarë rrugët në fundjavë me trajnerin e njohur francez Lorent Blank, për shkak të rezultateve që nuk erdhën e sidomos humbjen përballe Al Nasr. Dhe tani ka nisur kërkimi për trajnerin e ri që do të drejtojë skuadrën e Mario Mitajt me një emër që ka ndezur imagjinatën e sheikëve që janë gati të bëjnë çmenduri për të.

Gazeta saudite “Al Riyadh” bën të ditur se gjermani është dëshira e madhe e drejtuesve të klubit, të cilët duan një emër të madh, por edhe që garanton një futboll argëtues.

Sheikët janë gati të bëjnë çmendur financiare për të, por për momentin menaxheri i Klop ka përgënjeshtruar zhvillimin e ndonjë bisede mes palëve. Ndërsa Red Bull, për të cilin punon trajneri, e ka cilësuar një “shaka të vonuar”.

Edhe nëse nuk realizohet ideja e firmës me Klop, ka emra të tjerë shumë të njohur që po diskutohen për të marrë drejtimin e klubit saudit. Çavi Hernandez, Unai Emeri, Luçiano Spaleti apo Serxho Konseisao janë vetëm disa nga alternativat që po përfliten në këto ditë.

comment Për komente lëvizni më poshtë
Sot mund të lexoni Shfletoni kopertinat