FSHF konfirmon çfarë ndodhi ndaj Dinamos

Futboll

FSHF konfirmon çfarë ndodhi ndaj Dinamos

Më: 30 tetor 2025 Në ora: 11:04
Pamje nga ndeshja

Derbi mes Dinamos dhe Partizanit u fitua nga dinamovitët në “Elbasan Arena”. Ekipi i Ilir Dajës triumfoi me rezultatin 2-0 ndaj të kuqve, që mbyllën fazën e parë në zonën e ftohtë. Një episod i çuditshëm ndërkohë u regjistrua në minutën e 25-të.

Xhuliano Skuka u rrëzua në zonë bashkë me mbrojtësin e Dinamos, Andre Teikseiran . FSHF ka publikuar momentet e sfidës dhe konfirmohet që vërshëllima e gjyqtarit Olsion Yzeiraj erdhi pas golit të Xhudas Garsias.

E çuditshme ishte çfarë ndodhi më pas. Pas një sinjalizimi të dytë nga kryesori që drejton dorën nga mesfusha, lojtarët e Partizanit festojnë.

Më pas vijnë protestat e lojtarëve të Dinamos, ndërsa kryesori shkon te kapiteni Skuka dhe e njofton se ka akorduar faull. Rasti nuk u pa në VAR nga kryesori Yzeiraj, që rezulton ta ketë quajtur faull në sulm të Skukës. Në sistemin VAR ndërkohë ndodhej Kreshnik Barjamaj.

comment Për komente lëvizni më poshtë
Sot mund të lexoni Shfletoni kopertinat