​Polonia zyrtarizon stadiumin e sfidës kundër Shqipërisë

Futboll

​Polonia zyrtarizon stadiumin e sfidës kundër Shqipërisë

Më: 28 nëntor 2025 Në ora: 09:41
Foto ilustrim

Federata Polake e Futbollit ka konfirmuar zyrtarisht se gjysmëfinalja e fazës eliminatore për kualifikim në Kupën e Botës 2026, ndërmjet Polonisë dhe Shqipërisë, do të zhvillohet më 26 mars në orën 20:45 në stadiumin kombëtar PGE në Varshavë.

Ky duel do të jetë vendimtar për ambiciet e të dy kombëtareve, ndërsa Polonia pret të shfrytëzojë avantazhin e fushës dhe mbështetjen e tifozëve vendas.

Federata njofton se, nëse Polonia arrin të kalojë këtë raund, rivali i saj në finalen e play-off do të jetë fituesi i takimit Ukrainë–Suedi, një përballje që gjithashtu premton intensitet dhe rivalitet të lartë.

Sipas orarit të përcaktuar nga FIFA, të gjitha gjysmëfinalet do të luhen më 26 mars, ndërsa finalet e play-off do të zhvillohen pesë ditë më vonë, më 31 mars 2026.

comment Për komente lëvizni më poshtë
Sot mund të lexoni Shfletoni kopertinat