Demir Imeri ndërpret para kohe bashkëpunimin me Rabotniçkin!

Futboll

Demir Imeri ndërpret para kohe bashkëpunimin me Rabotniçkin!

Më: 10 dhjetor 2025 Në ora: 16:45
Pamje nga ndeshja

Demir Imeri ka vendosur të ndërpresë para kohe bashkëpunimin me Rabotniçkin, te e cila skuadër u transferua shtatorin e këtij viti nga rradhët e FC Shkupit. Imeri brenda kësaj periudhe 3 mujore me “romantikët” regjistroi 12 paraqitje, 4 gola dhe 2 asistime, duke qenë një ndër futbollistët më të dalluar.

Megjithatë rezultatet dhe pozicioni në renditje i skuadrës nga “Parku i Qytetit”, bënë që ai të mos vazhdonte bashkëpunimin me këtë skuadër, që në pranverë do të luftojë për mbijetesë.

Rabotniçki në 16 xhiro grumbulloi vetëm 7 pikë, duke u renditur vetëm në pozitën e parafundit.

Për Imerin ishte kjo hera e dytë që kishte veshur fanellën e Rabotniçkit, për të cilën skuadër numëron gjithsej 33 ndeshje dhe 6 gola të shënuar.

E ardhmja e tij pritet të jetë larg Maqedonisë, teksa “infOSport.mk” mëson se si destinacione të tij të rradhës mund të jenë, Tajlanda Inodonezia, apo edhe Kirgistani, edhe pse ekziston mundësia që i njëjti për herë të parë në karrierën e tij të luaj në Kosovë.

Kujtojmë, Imeri ka bërë edhe karrierë ndërkombëtare, duke luajtur në Finlandë, Ukrainë, Maltë, Shqipëri, Kazakistan dhe Uzbekistan.

comment Për komente lëvizni më poshtë
Sot mund të lexoni Shfletoni kopertinat