Fitorja e nëntë për Besa Famgasin

Futboll

Fitorja e nëntë për Besa Famgasin

Më: 12 dhjetor 2025 Në ora: 23:04
Jon Vokshi

Besa Famgas e ka shënuar fitoren e nëntë në edicionin 2025/2026 të Superligës së Kosovës në hendboll.

Të premten mbrëma në kryeqytet, Besa Famgas fitoi ndaj Prishtinës me rezultatin 38:31. Ishte kjo ndeshje e mbetur e xhiros së pestë të kampionatit të Kosovës. Kjo ndeshje ishte shtyrë për shkak të angazhimit evropian të Besës.

Jon Vokshi udhëhoqi fitoren e Besa Famgasit me dhjetë gola. Ahmed Zayan Amr Ali i shtoi tetë gola, Elion Vokshi shtatë e Deniz Terziqi gjashtë.

Po me dhjetë gola, më efikasi te Prishtina ishte Albi Gjuka. Altin Cacaj i realizoi tetë e Enis Kuleta shtatë.

Besa tani i ka 18 pikë nga 11 ndeshje. E mban vendin e tretë. Prishtina mbetet e parafundit me gjashtë pikë.

comment Për komente lëvizni më poshtë
Sot mund të lexoni Shfletoni kopertinat