Milan, çfarë po ndodh?

Futboll

Milan, çfarë po ndodh?

Më: 19 dhjetor 2025 Në ora: 13:29
Milan

Milani ka më shumë se një problem, gjë e dukshme nga rezultatet e fundit: 2 humbje, 1 barazim dhe vetëm 1 fitore në 4 ndeshjet e fundit.

Një element i përbashkët është se kuqezinjtë gjithmonë kanë kaluar në disavantazh të paktën një herë: ndaj Lazios dhe Napolit nuk arritën të përmbysnin rezultatin, ndaj Torinos reaguan pas 2-0, ndërsa ndaj Sassuolos ndeshja pati një rrjedhë të çuditshme, nga 1-0 për vendasit në 2-1 për Milanin e më pas 2-2 përfundimtar.

Sipas Allegrit, skuadra po pëson gola me shumë lehtësi. Në 360 minuta janë pësuar 7 gola, ndërsa në 14 ndeshjet e mëparshme porta kuqezi ishte tundur vetëm 9 herë. Për këtë arsye, më parë shpesh vlerësohej qëndrueshmëria e Milanit, i cili fitoi shumë “big match” edhe 1-0.

Mike Maignan ka bërë diferencën, por nuk mund të jetë perfekt gjithmonë.

Një tjetër faktor është mungesa e Gabbia, që ka ulur siguritë në mbrojtje: 4 nga 7 golat e fundit janë pësuar pa të. Më 28 dhjetor, ndeshja me Hellas Verona do të jetë një provë që nuk duhet humbur.

comment Për komente lëvizni më poshtë
Sot mund të lexoni Shfletoni kopertinat