Kombëtarja e Kosovës shënon rritje të madhe!

Futboll

Kombëtarja e Kosovës shënon rritje të madhe!

Më: 20 dhjetor 2025 Në ora: 13:34
Kombëtarja e Kosovës

Rezultatet e mira të Kombëtares së Kosovës në muajt e fundit, e po ashtu edhe forma e mirë e futbollistëve, kanë pasur ngritje të tyre në tregun e transferimeve.

Në përditësimin e fundit nga faqja e njohur ”Transfermarkt”, Kosova ka pasur një ngritje të madhe.

“Dardanët” aktualisht renditen në pozitën e 42-të në botë, me një vlerë totale prej 149.08 milionë eurosh.

Kjo është një dëshmi se Kosova vazhdimisht ka rritje të ekipit në arenën ndërkombëtare.

Fisnik Asllani është lojtari më i vlefshëm, me 30 milionë euro, duke lënë prapa Edon Zhegrovën i cili vlerësohet me 25 milionë euro.

I treti futbollistë me vlerë më të lartë te Kosova është mesfushori i Hoffenheimit, Leon Avdullahu, me 17 milionë euro.

comment Për komente lëvizni më poshtë
Sot mund të lexoni Shfletoni kopertinat