Douglas Luiz kujton periudhën te Juventusi

Futboll

Douglas Luiz kujton periudhën te Juventusi

Më: 25 dhjetor 2025 Në ora: 13:14
Douglas Luiz

Douglas Luiz rikthehet të flasë për të kaluarën e tij të fundit, këtë herë në një event bamirësie të organizuar nga Nottingham Forest.

Mesfushori brazilian kujtoi edhe muajt e vështirë te Juventusi, duke pranuar pa “kafshime gjuhe”: “Ishte një vit i vështirë, i shënuar nga disa lëndime dhe shumë hidhërime”.

I lindur më 1998, ai foli më pas për aventurën e tij të re në Angli, duke shpjeguar se integrimi te Forest nuk ishte i menjëhershëm. Luiz përmendi një kontekst në ndryshim të vazhdueshëm, me tre trajnerë të ndryshëm në pak kohë, çka e bëri më të vështirë rikthimin e vazhdimësisë fizike dhe mentale.

Çdo trajner solli metoda dhe ide të ndryshme, nga ngarkesa të lehta deri te stërvitje shumë intensive, duke e detyruar të përshtatet vazhdimisht.

Pas një faze fillestare të vështirë, situata ndryshoi. Sot Luiz ndjehet i qetë dhe i kënaqur, pjesë e një klubi të rëndësishëm, i rrethuar nga miq dhe me dëshirë për t’u rikthyer protagonist. Qëllimi i tij tani është i vetëm: të gjejë vazhdimësi dhe të ruajë një gjendje fizike stabile për të mirën personale dhe të Nottingham Forest.

comment Për komente lëvizni më poshtë
Sot mund të lexoni Shfletoni kopertinat