Mario Mitaj titullar, Al-Ittihad fiton thellë

Futboll

Mario Mitaj titullar, Al-Ittihad fiton thellë

Më: 10 shkurt 2026 Në ora: 22:31
Al-Ittihad

Mario Mitaj ishte protagonist në një fitore spektakolare të Al-Ittihad në Ligën e Kampioneve të Azisë ndaj Al Gharafas së Katarit.

Mbrojtësi shqiptar u aktivizua nga minuta e parë dhe konfirmoi edhe një herë rolin e tij si titullar i padiskutueshëm në skuadrën saudite.

Mitaj është rikthyer në formë të shkëlqyer dhe po luan rregullisht si në kampionat ashtu edhe në kompeticionet ndërkombëtare, duke fituar besimin e plotë të stafit teknik.

Atmosfera në stadium ishte e jashtëzakonshme, me tifozët e Al-Ittihad që kishin përgatitur një koreografi mbresëlënëse me mesazhin “Çliroje bishën”, duke kërkuar maksimumin nga skuadra.

Përgjigjja në fushë ishte perfekte. Al-Ittihad dominoi plotësisht përballë një kundërshtari me emra të njohur si Joselu dhe Yacine Brahimi, duke triumfuar bindshëm me rezultatin 7-0.

Me këtë fitore të thellë, Al-Ittihad siguroi kalimin në turin tjetër të Ligës së Kampioneve të Azisë, ndërsa Mitaj vazhdon të konfirmohet si një nga lojtarët kyç të skuadrës.

comment Për komente lëvizni më poshtë
Sot mund të lexoni Shfletoni kopertinat