Lazio dhe Roma përgatiten për Euro 2032

Futboll

Lazio dhe Roma përgatiten për Euro 2032

Më: 19 shkurt 2026 Në ora: 13:56
Stadiumi

Në Itali, modernizimi i stadiumeve ka marrë ritëm të madh gjatë viteve të fundit, ndërsa klubet përpiqen të ecin me hapin e rivalëve europianë dhe të përgatiten për Euro 2032, që do të organizohet së bashku me Turqinë.

Së fundi, Lazio prezantoi projektin e një stadiumi të ri 50 mijë vendësh, me kosto rreth 480 milionë euro, që do të përfshijë rinovimin e stadiumit Flaminio pranë Olimpico.

Arena e re do të ketë një impiant fotovoltaik, i cili pritet të prodhojë 1.4 milionë kilovat energji elektrike në vit, duke siguruar autonomi dhe madje duke i kaluar disa herë rrjetit kombëtar energjinë e tepërt.

Nga ana tjetër, Roma ka planifikuar një stadium të ri me kapacitet 60 mijë vendësh gjatë të njëjtës periudhë.

Të dy projektet synojnë jo vetëm përmirësimin e përvojës së tifozëve, por edhe përputhshmërinë me standardet më moderne europiane dhe një përgatitje të plotë për eventin madhor të futbollit kontinental.

comment Për komente lëvizni më poshtë
Sot mund të lexoni Shfletoni kopertinat