Onana synon të rifitojë vendin e titullarit te United

Futboll

Onana synon të rifitojë vendin e titullarit te United

Më: 25 shkurt 2026 Në ora: 14:42
Andre Onana

Andre Onana dëshiron të rikthehet si portieri numër 1 i Manchester United kur të kthehet nga huazimi te Trabzonspor, sipas “The Guardian”.

Portieri kamerunas u largua nga “Old Trafford” për një transferim të përkohshëm në shtator, pasi United solli Senne Lammens nga Royal Antwerp për një shumë prej 18 milionë eurosh.

Portieri i ri i United ka rikthyer qetësinë pas dy vitesh të çrregullta me Onana, huazimi i të cilit në Turqi përfundon në fund të sezonit. Gjithsesi, portieri kamerunas ka një kontratë me “djajtë e kuq” deri në verën e vitit 2028.

Por, duket se drejtuesit e Manchester United kanë të tjera plane, pasi dëshirojnë ta shesin përfundimisht portierin Andre Onana verën e ardhshme. Portieri kamerunas e ka mbajtur të paprekur portën e ekipit turk vetëm në katër ndeshje.

Për pasojë, Trabzonspor nuk ka gjasa të kërkojë një marrëveshje të përhershme për Onana, duke e rikthyer te Manchester United. Klubi anglez po punon për të gjetur një sistemim të ri të portierit, këtë herë të përhershëm.

comment Për komente lëvizni më poshtë
Sot mund të lexoni Shfletoni kopertinat