Karton i kuq për Lindrit Kamberin në Zvicër

Futboll

Karton i kuq për Lindrit Kamberin në Zvicër

Nga: K.Goca Më: 1 mars 2026 Në ora: 23:27
Futbollisti Lindrit Kamberi

Futbollisti Lindrit Kamberi pati një mbrëmje të pafat në përballjen mes BSC Young Boys dhe FC Zurich në kampionatin zviceran.

Young Boys triumfoi me rezultat bindës 3:0 ndaj Zurich-ut, ndërsa ndeshja u vështirësua shumë për mysafirët që në minutën e 8-të.

Kamberi u ndëshkua me karton të kuq pas një ndërhyrjeje nga prapa ndaj Samuel Essende, duke e lënë skuadrën e tij me një lojtar më pak pothuajse gjatë gjithë takimit.

Bledian Krasniqi u paraqit titullar për Zurich-un dhe u zëvendësua në minutën e 46-të, ndërsa Valon Berisha u inkuadrua në minutën e 59-të, por pa arritur të ndryshojë rrjedhën e lojës ndaj vendasve.

Pas javës së 27-të, Young Boys renditet në vendin e gjashtë me 39 pikë, ndërsa Zurich mban pozitën e tetë me 31 pikë.

comment Për komente lëvizni më poshtë
Sot mund të lexoni Shfletoni kopertinat