David Raya pranon se ishte shumë afër kalimit te Bayerni

Futboll

David Raya pranon se ishte shumë afër kalimit te Bayerni

Më: 21 mars 2026 Në ora: 13:33
David Raya

Një nga portierët më në formë në Europë, spanjolli David Raya, sapo është thirrur nga Luis de la Fuente për miqësoret e këtij muaji, testi i fundit para Kupës së Botës.

Katalanasi po kalon momentin më të mirë të karrierës tek Arsenal i Arteta, ku është pjesë kyçe e kryesuesve të Premier League. Gjithsesi, gjithçka mund të kishte qenë ndryshe.

Në një intervistë për “Sky Sports”, Raya zbuloi: “Isha shumë afër të shkoja në një klub tjetër para se t’i bashkohesha Arsenalit… Fatmirësisht nuk ndodhi dhe kështu, Arsenali bëri ofertën e duhur”. Ai pranoi se klubi ku ishte afër të shkonte ishte Bayern Munich.

Një nga situatat më të çuditshme të javëve të fundit ka qenë te portierët bavarezë.

Të gjithë portierët e Bayern Munich ishin të dëmtuar vetëm tri ditë para ndeshjes ndaj Atalantës në Champions League.

Nëse askush nuk rikuperohej, portieri i moshës 16-vjeçare, Prescott, do të duhej të debutonte.

Përfundimisht, Urbig luajti pas një tronditjeje cerebrale që pësoi në ndeshjen e parë kundër bergamaskëve.

comment Për komente lëvizni më poshtë
Sot mund të lexoni Shfletoni kopertinat