Raphinha mund të jetë befasi e madhe e verës?

Futboll

Raphinha mund të jetë befasi e madhe e verës?

Më: 3 maj 2026 Në ora: 20:37
Raphinha

Pavarësisht dëshirës së tij të shprehur shumë herë publikisht për të qëndruar te Barcelona, Raphinha mund të largohet në verë nga katalanasit.

Duke ditur që Barcelona synon transferimin e Julian Alvarez dhe Alessandro Bastoni, mund të jetë pikërisht Raphinha një nga të “sakrifikuarit” për të mbledhur shumën e nevojshme për dy transferimet në fjalë.

Mediet spanjolle bëjnë me dije se Manchester United jo vetëm që nuk ka hequr dorë nga ideja e transferimit të Raphinha-s, por “Djajtë e Kuq” po përgatisin një ofertë për brazilianin që do të jetë e vështirë të refuzohet.

Raphinha është nën kontratë me katalanasit deri në vitin 2028, vlera e tij sipas Transfermarkt është 80 milionë euro, por Barcelona nuk do e lëshonte pa një ofertë më të vogël se 100 milionë euro.

comment Për komente lëvizni më poshtë
Sot mund të lexoni Shfletoni kopertinat