A do t’i duhet PSG-së të kalojë përsëri me penallti? Të mërkurën në mbrëmje të përzgjedhurit e Luis Enrikes udhëtojnë drejt Mynihut në ndeshjen e kthimit të gjysmëfinaleve të Ligës së Kampioneve, me ambicien për të ruajtur avantazhin e fituar nga ndeshja e pare.
Me një gol diferencë, ndeshja mund të zgjasë deri në fund të natës, madje të vendoset edhe me penallti. Në këtë ushtrim, parizienët fillojnë me një avantazh të madh.
Në hapësirën e dy sezoneve, klubi kryeqytetas ka përjetuar pesë gjuajtje penalltish, pa humbur kurrë asnjë të vetme.
Kundër Lens (raundi i 32 i “Coupe de France”) dhe Liverpul (raundi i 16 i Ligës së Kampionëve) ranë para parisienëve sezonin e kaluar. Ashtu si Totenham (Superkupa UEFA), Flamengo (Kupa Ndërkontinentale) dhe Marseja (“Trophée des Champions”) në sezonin aktual. Një titullar për disa muaj për shkak të performancave të dobëta të Lukas Shevalier, Matvej Safonov është vendosur si specialist në stërvitje. «Unë kam pasur shumë portierë në jetën time që kanë ndaluar gjuajtjet në portë.
Por ai është më i miri që kam pasur në këtë fushë. Aftësia e tij për të marrë me mend anën, vendin e zgjedhur, ku gjuajtësi do të godasë, është shumë e rëndësishme, ka thënë Luis Enrike në shkurt pas një ndeshjeje të fituar kundër Strasburgut (1-2). Portieri rus më pas kishte zmbrapsur një përpjekje të Zhakuin Panishelit, disa javë pasi shpëtoi katër në një ndeshje kundër Flamengos.
Me pesë penallti të shpëtuara nga shtatë, ai është portieri më efikas në pesë ligat kryesore evropiane këtë sezon.