Fabio Grosso, trajneri më i kërkuar në Serinë A

Futboll

Fabio Grosso, trajneri më i kërkuar në Serinë A

Më: 6 maj 2026 Në ora: 15:26
Fabio Grosso

Fabio Grosso është shndërruar në emrin më të nxehtë në Serie A, pas një sezoni mbresëlënës me Sassuolon.

Pasi mposhti Milanin dhe e mbajti ekipin e tij larg zonës së rrezikut, një arritje e jashtëzakonshme për një skuadër që parashikohej të luftonte për mbijetesë, ish-kampioni i botës ka përfunduar në shënjestrën e shumë klubeve të rëndësishme.

Fiorentina aktualisht shihet si kandidatja kryesore për të siguruar shërbimet e tij si pasardhës i Vanolit, por konkurrenca është e fortë. Bologna, Lazio dhe madje Napoli e kanë përfshirë atë në listat e tyre të dëshirave në rast largimi të trajnerëve aktualë.

Suksesi i Grossos bazohet në një filozofi loje solide dhe moderne.

Ai mbështetet kryesisht te moduli 4-3-3, duke u fokusuar te mbrojtja në repart, qarkullimi i shpejtë i topit përmes krijimit të trekëndëshave në fushë dhe sulmuesit anësorë që kërkojnë hapësirat boshe.

Edhe pse Sassuolo dëshiron ta mbajë trajnerin, i cili ka edhe një vit kontratë, presioni nga klubet me ambicie europiane mund të detyrojë emiljanët të kërkojnë një dëmshpërblim për lirimin e tij.

comment Për komente lëvizni më poshtë
Sot mund të lexoni Shfletoni kopertinat