Xabi Alonso shumë afër të marrë drejtimin e Chelseat

Futboll

Xabi Alonso shumë afër të marrë drejtimin e Chelseat

Më: 16 maj 2026 Në ora: 11:39
Xabi Alonso

Xabi Alonso po afrohet gjithnjë e më shumë me postin e trajnerit të ri të Chelsea.

Lajmi është bërë i ditur nga gazetari italian Nicolò Schira, i cili raporton se tekniku spanjoll është objektivi kryesor i klubit londinez për pankinën e sezonit të ardhshëm.

Sipas Schiras, bisedimet mes drejtuesve të Chelsea dhe Alonsos po zhvillohen në mënyrë shumë pozitive, ndërsa palët po afrohen drejt një marrëveshjeje përfundimtare.

Ish-mesfushori legjendar ka fituar vlerësime të mëdha për punën e tij si trajner në vitet e fundit, duke u konsideruar si një nga emrat më premtues të brezit të ri të teknikëve europianë. Stili modern i lojës dhe aftësia për të menaxhuar skuadra të mëdha e kanë bërë atë prioritet absolut për “Blutë”.

Nëse marrëveshja finalizohet, Alonso do të merrte drejtimin e një prej klubeve më të mëdha në Premierligë, me synimin për ta rikthyer ekipin në garën për trofetë më të rëndësishëm në Angli dhe Europë.

comment Për komente lëvizni më poshtë
Sot mund të lexoni Shfletoni kopertinat