Pas një sezoni të gjatë trofeu i çmueshëm po rikthehet në shtëpi.
Klubi i futbollit Drita ka njoftuar zyrtarisht organizimin e festës së madhe të titullit, të pagëzuar si "Nata e Kampionëve", ku lojtarët, drejtuesit dhe tifozët do të bëhen bashkë për të kurorëzuar këtë sukses historik.
Ngjarja festive do të mbahet të dielën e 24 majit 2026, duke filluar nga ora 21:00, në ambientet e Teatrit të Qytetit.
Ky event do të jetë momenti i duhur për t’i dhënë zë krenarisë së qytetit dhe për të ndarë emocionet e jashtëzakonshme të një rrugëtimi që u mbyll në mënyrën më të mirë të mundshme – me shpalljen kampionë.
Klubi u bën thirrje të gjithë qytetarëve dhe tifozëve që të mblidhen në numër sa më të madh për ta ndezur atmosferën në këtë natë festive.
