North Stand i “Etihad” do të mbajë emrin e Pep Guardiolës
Manchester City ka vendosur ta nderojë trajnerin legjendar Pep Guardiola duke riemëruar tribunën “North Stand” të stadiumit “Etihad” me emrin e tij.
Sipas raportimeve të skysports.com, klubi anglez po përgatit një homazh special për Guardiolën pas vendimit të tij për t’u larguar në fund të sezonit.
Përveç tribunës që do të quhet “Pep Guardiola Stand”, drejtuesit e klubit pritet të vendosin edhe një statujë të trajnerit jashtë stadiumit.
Guardiola largohet pas dhjetë vitesh historike te City, ku fitoi gjithçka në futbollin anglez dhe evropian, duke e shndërruar klubin në një nga më dominuesit në botë.
Spanjolli ka fituar 20 trofe me “Citizens”, përfshirë gjashtë tituj të Premier League dhe Ligën e Kampionëve.