Bayerni tregon publikisht interesimin për Anthony Gordon

Futboll

Bayerni tregon publikisht interesimin për Anthony Gordon

Më: 23 maj 2026 Në ora: 15:29
Gordon

Bayern Munih tashmë nuk po e fsheh më dëshirën për të transferuar anësorin e Newcastle United, Anthony Gordon.

Drejtori sportiv i Bayernit, Max Eberl, ka premtuar se klubi do të transferojë një lojtar ofensiv gjatë kësaj vere.

Kur u pyet për Anthony Gordonin, 52-vjeçari deklaroi se kishte pasur “një bisedë shumë të mirë” lidhur me mundësinë e transferimit të lojtarit.

Një nga “sekretet” më të njohura në futboll aktualisht është fakti se Bayerni po e ndjek me seriozitet yllin e Newcastle United.

Gordon nuk ka luajtur për “Magpies” që nga humbja 2-1 ndaj Crystal Palace më 12 prill. Pas rikuperimit nga një problem në ijë, ai ka mbetur në stol pa u aktivizuar në tri ndeshjet e fundit të Newcastle në Premier League.

comment Për komente lëvizni më poshtë
Sot mund të lexoni Shfletoni kopertinat