Në sheshin para Teatrit të Qytetit të Gjilanit, skena gjigante tashmë ka marrë formë.
E qetë, pothuajse e “fjetur”, ajo pret momentin kur dritat të ndizen, muzika të shpërthejë dhe mijëra tifozë ta kthejnë këtë natë në një festë historike për titullin e pestë kampion të FC Drita.
Atmosfera pritet të ndizet në ndeshjen e fundit të sezonit, ku Drita sonte zbret në fushë përballë rivalit lokal SC Gjilani, në një takim që pritet të jetë plot emocione, krenari dhe festë.
Programi artistik dhe festa zyrtare do të nisin sonte nga ora 21:00, ndërsa janë planifikuar shumë befasi për tifozët dhe qytetin që jeton me futbollin.