Trofeu i Botërorit prezantohet në New York 

Futboll

Trofeu i Botërorit prezantohet në New York 

Më: 3 qershor 2026 Në ora: 16:22
Pamje

Trofeu i Kupës së Botës u prezantua këtë të martën në New York, për Kupën e Botës 2026.

Pjesë e ceremonisë ishte edhe legjenda gjermane, Bastian Schweinsteiger, dhe kryebashkiaku Zohran Mamdani.

Kur kanë mbetur edhe një javë nga ceremonia hapëse e Kupës së Botës, në Nju Jork është prezantuar për tifozët trofeu që do të ngrihet lart në qiellin e qytetit më 19 korrik.

Në ceremoninë e organizuar në Muzeun Amerikan të Historisë Natyrore morën pjesë ish-kampioni i botës me Gjermaninë, Bastian Schweinsteiger, dhe kryetari i bashkisë së New York-ut, Zohran Mamdani.

Qindra tifozë dhe nxënës shkollash u mblodhën për të parë nga afër trofeun më prestigjioz të futbollit botëror.

Schweinsteiger, një nga të paktët futbollistë që ka pasur privilegjin ta ngrejë këtë trofe, e mbajti dhe e puthi atë gjatë ceremonisë, duke kujtuar triumfin e Gjermanisë në Kupën e Botës 2014 në Brazil.

Sot mund të lexoni Shfletoni kopertinat