Partizani është ende në kërkim të trajnerit të ri. Pas largimit të Oltijon Kërnajës, klubi i kuq e ka pasur shumë të vështirë që të ulë në pankinë pasuesin e tropojanit, ndërsa emrat e përfolur janë të shumtë.
Megjithatë, në kampin kryeqytetas do të ketë edhe 2 javë pushim.
Pikërisht më 25 qershor, te Partizani do të nisin nga puna dhe lojtarët do të zbresin në fushën e lojës për t’u stërvitur.
Të kuqtë po punojnë fort për të gjetur trajnerin e ri, në mënyrë që të nisë puna edhe për merkaton. Kujtojmë se lëvizjet kanë qenë me “pikatore” në kampin e kuq, pra largime.
Asnjë afrim nuk është bërë deri më tani nga “Demat”, përveç nëshkrimit të kontratës së parë profesionale nga ana e talentit 16-vjeçar, Fabio Hyseni.
