E ardhmja e Josko Gvardiolit mund të vendoset gjatë kësaj vere.
Sipas raportimeve të fundit nga Anglia, mbrojtësi kroat ka vetëm dy opsione konkrete në tavolinë: të rinovojë kontratën me Manchester Cityn ose të transferohet te Real Madridi.
Manchester City ka bërë tashmë lëvizjen e parë, duke i ofruar 24-vjeçarit një kontratë të re afatgjatë me rritje të ndjeshme të pagës, pasi e konsideron një nga shtyllat kryesore të skuadrës për vitet e ardhshme.
Nga ana tjetër, Real Madridi e sheh Gvardiolin si profilin ideal për të përforcuar repartin defensiv. Kroati vlerësohet për aftësinë e tij për të luajtur si qendërmbrojtës dhe si mbrojtës i majtë, një karakteristikë që e bën shumë tërheqës për klubin madrilen.
Raportet theksojnë se Bayern Munich nuk është më një alternativë reale në garë, ndërsa Barcelona e pëlqen lojtarin, por kostoja e operacionit konsiderohet shumë e lartë për prioritetet aktuale të katalanasve.
Tani topi është në fushën e Gvardiolit: të vazhdojë si lider i mbrojtjes së Cityt apo të pranojë sfidën e re në “Santiago Bernabeu”
