Trajneri i Shqipërisë U-21, Alban Bushi, analizoi në emisionin “Kampionët e Botës” barazimin e Zvicrës ndaj Katarit.
Ai u shpreh se futbolli është i pamëshirshëm, referuar rasteve të shumta të shpërdoruara nga kombëtarja helvete.
Bushi shprehu habinë e tij, se si një trajneri si Lopetegui ka pranuar të drejtojë një ekip të vogël si Katari.
“Ky rezultat tregoi se futbolli është i pamëshirshëm, sidomos për ekipet e mëdha.
Dominon për 90 minuta, mund të shkonte 5-0 ose 6-0. Kjo qëllon vetëm njëherë. Zvicra kishte ekip të mirë dhe solid. Katari e rrezikoi disa herë.
Më bën përshtypje trajneri Lopetegui. Si mund të stërvisë ekip kaq të vogël. Ai njihet për lojën sulmuese, ndërsa te Katari luhet në mbrojtje”, deklaroi Bushi.