Etnik Brruti transferohet te gjiganti kroat, Hajduk Split

Futboll

Etnik Brruti transferohet te gjiganti kroat, Hajduk Split

Më: 15 qershor 2026 Në ora: 16:13
Etnik Brruti

FC Malisheva ka njoftuar zyrtarisht përmes faqes së tyre në Facebook se futbollisti i tyre, Etnik Brruti, ka përfunduar kontratën me klubin dhe ka bërë hapin e madh në karrierë duke u transferuar te klubi i njohur kroat, Hajduk Split.

Brruti është një produkt i pastër i akademisë së Malishevës, ku u rrit dhe u formësua si lojtar, duke dhënë një kontribut të çmuar në sukseset e klubit përgjatë tri viteve e gjysmë sa ishte pjesë e ekipit të parë.

Klubi malishevas është shprehur mjaft krenar për këtë arritje, duke e cilësuar Brrutin si një nga legjendat e tyre.

Njoftimi i FC Malishevës në Facebook:

"Jemi të lumtur gjithashtu për hapin e radhës të Brrutit – transferimin e tij te klubi i madh kroat, Hajduk Split. Brruti është produkti ynë, pasi u rrit, u formësua dhe u zhvillua në FC Malisheva, por edhe kontribuoi shumë në sukseset dhe të arriturat e klubit. Për këtë, do t’i jemi gjithmonë falënderues dhe ai do të ketë një vend të veçantë në klubin tonë, si një nga legjendat e FC Malisheva."

Në përmbyllje të njoftimit, FC Malisheva ka theksuar se ky transferim dëshmon që klubi i tyre vazhdon të jetë adresa e duhur për rritjen dhe zhvillimin e talentëve të rinj në Kosovë, duke i uruar Brrutit fat dhe suksese në ngjitjen drejt majave të futbollit evropian.

Sot mund të lexoni Shfletoni kopertinat