Maroku në festë
Maroku është kualifikuar në çerekfinale të Kampionatit Botëror në futboll, pasi mposhti Kanadanë me rezultat 3:0, falë një paraqitjeje të shkëlqyeshme të Azzedine Ounahit.
Mesfushori maroken ishte protagonisti absolut i ndeshjes, duke realizuar të dy golat që i siguruan ekipit të tij kalimin mes tetë skuadrave më të mira të turneut.
Kanada – Maroku 0:3
Stadiumi "NRG”, Houston.
Shikues: 68777.
Gjyqtar: M. Oliver (Anglia).
Shënues: Ounahi (50' e 82'), Rahimi (90+.8').
Kartona të verdhë: Laryea, David, De Fougerolles, Larin - Halhal, Hakimi, Ounahi, El Khannouss.
Kanada: Crepeau, Johnston, Bombito, de Fougerolles, Laryea (Shaffelburg 79'), Buchanan (Nelson 88'), Sigur (Osorio 88'), Eustaquio, Ahmed (David 79'), J. David dhe Oluwaseyi.(Larin 63')
Maroku: Bono, Hakimi, Diop (Saadane 87'), Halhal, Mazraoui - Bouaddi (Amrabat 63'), El Aynaoui, Brahim Diaz, Ounahi (El Mourabet 87'), El Khannouss (Talbi 63') dhe Saibari (Rahimi 22').
Goli i parë erdhi në minutën e 50-të. Ounahi goditi saktë nga rreth 17 metra, duke e dërguar topin në këndin e poshtëm të majtë të portës për epërsinë -0:1.
Në minutën e 82-të, pas një kundërsulmi të shpejtë, Ounahi realizoi edhe golin e dytë me një goditje të fuqishme nga 13-14 metra, duke e dërguar topin në këndin e sipërm të majtë për rezultatin 0:2.
Në minutën e 90+8 Soufiane Rahimi realizoi për 0:3.
Maroku mori një goditje të hershme në këtë takim, pasi në minutën e 22-të u lëndua Ismael Saibari, i cili u detyrua të largohej nga fusha.
Në çerekfinale, Maroku do të përballet me fituesin e sfidës mes Francës dhe Paraguajt.