Kombëtarja U-18 e Kosovës në hendboll e ka luajtur të mërkurën ndeshjen e tretë në “Men’s 18 EHF Championship II” në Telavi të Gjeorgjisë.
Djemtë tanë u përballën me Belgjikën, ndërsa pësuan me rezultatin 38:31.
Pjesa e parë ishte e barabartë, ndërsa në të dytën belgët e rinj shfaqën më shumë.
Eltijon Hoxha u dallua te Kosova me 11 gola.
Shtatë i realizoi Eris Beqiri, ndërsa pesë i kishte Lorik Kelmendi.
Të enjten Kombëtarja U18 e Kosovës përballet me Gjeorgjinë nga ora 16:15..