Shkëndija kërkon të dalë nga mini-kriza përballë Bashkimit

Futboll

Shkëndija kërkon të dalë nga mini-kriza përballë Bashkimit

Nga: K. G. Më: 18 shtator 2026 Në ora: 15:02
Shkëndija

Deri para dy xhirove, gjithçka dukej pothuajse perfekte në kampin e Shkëndijës.

Tetovarët kishin regjistruar pesë fitore në pesë ndeshjet e para, duke krijuar një epërsi të konsiderueshme ndaj rivalëve.

Më pas erdhi humbja në shtëpi ndaj Tikveshit, ndërsa në ndeshjen pasuese Shkëndija barazoi me Arsimin, edhe pse kishte epërsi prej 0:2. Kështu, nga gjashtë pikë të mundshme, skuadra tetovare ka marrë vetëm një.

Për këtë arsye, lideri tashmë nuk është aq e qetë në kreun e tabelës. Shkëndija ka vetëm dy pikë më shumë se Struga TL dhe tri pikë më shumë se Shkëndija e Haraçinës.

Sot, nga ora 16:00, në Gostivar, Shkëndija do të përballet me Bashkimin e Kumanovës, që po kalon një periudhë pozitive dhe kërkon të vazhdojë me rezultate të mira.

Sulmuesi i Shkëndijës, Besart Ibraimi, pranon se skuadra ndodhet në një mini-krizë, por beson se kjo është një mundësi për rikthim.

“Është e qartë se jemi në një mini-krizë, e cila është normale për ekipet që luajnë gjatë në Evropë, si Shkëndija.

Është e natyrshme të ketë lodhje. Megjithatë, sot kemi mundësinë të fitojmë. E respektojmë Bashkimin, një ekip që kohët e fundit po luan shumë mirë, por nëse ne jemi në nivelin tonë të vërtetë, nuk duhet të kemi probleme”, deklaroi Ibraimi.

Sot mund të lexoni Shfletoni kopertinat