UEFA ka caktuar ekipin e arbitrave për ndeshjen e Ligës së Kombeve mes Çekisë dhe Kroacisë, e cila do të luhet në Pragë këtë të shtunë, duke filluar në orën 20:45.
Gjyqtari kryesor i ndeshjes do të jetë italiani Simone Sozza.
I gjithë ekipi i arbitrave për këtë përballje vjen nga Italia. Sozzan do t’i ndihmojnë në vijat anësore Daniele Bindoni dhe Davide Imperiale, ndërsa rolin e gjyqtarit të katërt do ta ketë Giuseppe Collu.
Edhe sistemi VAR do të menaxhohet nga italianë: gjyqtari kryesor në dhomën e VAR-it do të jetë Valerio Marini, ndërsa ndihmësi i tij do të jetë Aleandro Di Paolo..