Shqipëria e nis mbarë me fitore kompeticionin Liga e Kombeve në Ligën C, teksa kuqezinjtë mposhtën 2:0 Bjellorusinë në stadiumin “Air Albania” të Tiranës.
Për këtë përballje dhe detaje të tjera, u prononcua para mediave sulmuesi i Kombëtares, Rey Manaj:
“Zhvilluam një pjesë të parë shumë të mirë, në pjesë të dytë kishim shumë mundësi.
Duhet të përshtatemi me skemat e Maran, është shumë ndryshe nga Silvinho. Ishalla fitojmë këto 3 ndeshjet në vazhdimësi dhe të dalim të parët në grup.
Asllani është i pari në listë, unë jam i dyti. I thashë do e marr unë topin dhe rri i qetë, mendoje si do e gjuash dhe i kalova topin.
Ishalla të vazhdojmë të shënojmë, sa më shumë lojtarët të jenë në formë, krijohet më shumë konkurrencë. Të kemi fatin dhe të shënojmë sa më shumë gola”.