Tetori pritet të jetë një nga muajt më të ngarkuar për Egnatian.
Kampionët e Shqipërisë do të kenë plot gjashtë takime për të luajtur mes kampionatit dhe Europës, në një periudhë ku ritmi do të jetë i lartë dhe koha për rikuperim e përgatitje do të jetë e kufi zuar.
Katër prej këtyre sfi dave do të jenë në kampionat, ndërsa dy të tjera në grupet e “Conference League”. Laçi do të jetë kundërshtari i parë, më pas vjen Vllaznia, ndërsa Teuta do të jetë përballja tjetër në shtëpi.
Muaji do të mbyllet me një transfertë ndaj Dinamos. Është një kalendar që e vendos Egnatian përballë kundërshtarëve me karakteristika të ndryshme. Në kampionat, çdo ndeshje do të ketë peshën e saj në garën për objektivat sezonalë, ndërsa në Europë kampionët do të kenë përballë Midtjyllandin në shtëpi dhe Aarhusin në transfertë. EUROPA – Në mes të këtij muaji të ngjeshur do të jenë edhe dy netët europiane.
Egnatia do të presë Midtjyllandin dhe më pas do të udhëtojë në Danimarkë për t’u përballur me Aarhusin. Për kampionët shqiptarë, këto dy ndeshje do të jenë një tjetër mundësi për të matur veten në një nivel tjetër, por edhe një sfi dë për mënyrën se si do të menaxhohet kalendari. Nga njëra ndeshje te tjetra, kundërshtarët ndryshojnë, ritmi ndryshon dhe hapësira për gabime bëhet më e vogël. GJASHTË NDESHJE – Laçi, Vllaznia, Teuta, Dinamo në kampionat dhe Midtjylland e Aarhus në Europë.
Gjashtë takime që do ta vendosin Egnatian përpara një prove të rëndësishme në këtë pjesë të sezonit. Muaji do të nisë në Shqipëri, do të kalojë edhe në arenën europiane dhe do të mbyllet sërish në kampionat, me transfertën ndaj Dinamos. Pikërisht kjo e bën tetorin një muaj ku Egnatia duhet të jetë e gatshme në çdo moment. Në fund të tij, kampionët do të kenë luajtur gjashtë ndeshje dhe do të kenë marrë një panoramë edhe më të qartë të forcave të tyre.
Tetori është përpara dhe për Egnatian, kalendari nuk lë shumë hapësirë për pushim. Me pak fjalë, është një tur i vërtetë force që nuk dihet sesi do të shkojë për kampionët.