Elliot Anderson vendos rekord të ri me Anglinë

Futboll

Elliot Anderson vendos rekord të ri me Anglinë

Më: 4 tetor 2026 Në ora: 10:17
Elliot Anderson

Elliot Anderson ka hyrë në historinë e kombëtares së Anglisë, duke vendosur një rekord të ri për shpejtësinë me të cilën një futbollist arrin kuotën e 20 paraqitjeve me ekipin përfaqësues.

Mesfushori i Manchester Cityt regjistroi paraqitjen e tij të 20-të me Anglinë në ndeshjen e Ligës së Kombeve ndaj Kroacisë, të cilën anglezët e fituan me rezultat bindës 7-0.

Andersonit iu deshën vetëm 392 ditë nga debutimi i tij me Anglinë për të arritur në 20 paraqitje, më shpejt se çdo lojtar tjetër në historinë e kombëtares.

23-vjeçari debutoi për Anglinë në shtator të vitit 2025, kur ishte titullar në fitoren 3-0 ndaj Uellsit në një ndeshje miqësore.

Që prej atëherë, Anderson është shndërruar në një prej lojtarëve të rëndësishëm të mesfushës së Anglisë nën drejtimin e Thomas Tuchelit.

Në këtë sezon, ai ka zhvilluar shtatë paraqitje me Manchester Cityn dhe tri me Anglinë, ndërsa vazhdon të konsolidojë pozitën e tij në formacionin e kombëtares. 

Sot mund të lexoni Shfletoni kopertinat