Mbappe shpallet MVP pas dopietës vendimtare ndaj Barcelonës

Futboll

Mbappe shpallet MVP pas dopietës vendimtare ndaj Barcelonës

Më: 25 tetor 2026 Në ora: 23:21
Kylian Mbappe

Kylian Mbappe është shpallur lojtari më i mirë i ndeshjes (MVP) në El Clásicon mes Barcelonës dhe Real Madridit, të cilin skuadra madrilene e fitoi me rezultat 2-1 në “Camp Nou”.

Sulmuesi francez ishte protagonisti kryesor i fitores së Real Madridit, duke realizuar të dy golat e skuadrës së tij, fillimisht në minutën e 41-të dhe më pas në minutën e 88-të, kur vulosi triumfin e madrilenëve.

Me këtë dopietë, Mbappe shënoi edhe golin e tij të 100-të me fanellën e Real Madridit, duke e kurorëzuar një paraqitje vendimtare në një prej ndeshjeve më të rëndësishme të futbollit spanjoll.

Pavarësisht se Barcelona pati më shumë posedim të topit dhe regjistroi më shumë goditje drejt portës, Reali ishte më efikas në momentet vendimtare, ndërsa Mbappe bëri diferencën me dy golat e tij.

Fitorja në “Camp Nou” i siguron Real Madridit tri pikë të rëndësishme në garën për titullin e La Ligës.

Sot mund të lexoni Shfletoni kopertinat