Eliminohet nga Kupa, shkarkohet trajneri

Futboll

Eliminohet nga Kupa, shkarkohet trajneri

Më: 28 tetor 2026 Në ora: 14:25
Manolo Gonzalez

Klubi spanjoll i futbollit Espanyol e ka shkarkuar trajnerin Manolo Gonzalez, pasi skuadra u eliminua në raundin e parë të Kupës së Mbretit nga një ekip i kategorisë së katërt të futbollit spanjoll.

Trajneri 47-vjeçar ishte tashmë nën presion, pasi Espanyoli e kishte nisur sezonin me gjashtë humbje në dhjetë ndeshje të kampionatit, duke rënë në vendin e 18-të në La Liga.

Humbja 4:3 në Kupën e Mbretit kundër Sestao Riverit, të martën, pas vazhdimeve, ishte pika e fundit që çoi në shkarkimin e tij.

“Espanyoli ka vendosur t’i japë fund mandatit të Manolo Gonzalezit si trajner i klubit. Palët ndahen pas më shumë se tri sezonesh dhe 107 ndeshjesh zyrtare nën drejtimin e tij. Gjatë kësaj periudhe, ai la gjurmë personale dhe profesionale, si në fushën e lojës, ashtu edhe në funksionimin e përditshëm të skuadrës”, njoftoi mbrëmë klubi spanjoll.

Gonzalez e mori drejtimin e Espanyolit në mars të vitit 2024 dhe menjëherë e udhëhoqi skuadrën drejt ngjitjes në elitën e futbollit spanjoll.

Sot mund të lexoni Shfletoni kopertinat