Egnatia sfidon kuotat në Rumani

Futboll

Egnatia sfidon kuotat në Rumani

Më: 5 nëntor 2026 Në ora: 13:23
Skuadra e futbollit Egnatia

Xhiroja e tretë e fazës së ligës në Ligën e Konferencës e gjen Egnatian në Rumani, ku sonte, në orën 21:00, kampionët e Shqipërisë do të përballen me Universitatea Krajova.

Skuadra rumune vjen në këtë sfidë me katër pikë, të grumbulluara falë një fitoreje dhe një barazimi, ndërsa të besuarit e trajnerit Nevil Dede kanë dy pikë, pas dy barazimeve ndaj kundërshtarëve danezë.

Kompanitë e huaja të basteve, përmes koeficientëve të publikuar për këtë takim, e shohin Egnatian në pozita të vështira në transfertën e Krajovës.

Fitorja e Universitateas kuotohet me 1.45, barazimi me 4.5, ndërsa triumfi i rrogozhinasve vlerësohet me koeficientin 6.5.

Megjithatë, këto kuota nuk janë një risi për Egnatian. Edhe në dy përballjet e mëparshme ndaj skuadrave daneze, kampionët shqiptarë janë konsideruar inferiorë nga kompanitë e basteve, por kanë arritur të marrin nga një pikë.

Një rezultat i tillë do të ishte i mirëpritur edhe sonte në Rumani, ku skuadra e Nevil Dedes synon të sfidojë parashikimet dhe të vazhdojë të mbetet në garë për objektivat e saj në këtë kompeticion.

Sot mund të lexoni Shfletoni kopertinat