Anglia fiton ngushtë ndaj Kroacisë

Futboll

Anglia fiton ngushtë ndaj Kroacisë

Nga: K.G. Më: 12 nëntor 2026 Në ora: 22:42
Anglia feston

Anglia ka shënuar fitore me rezultat 2:1 ndaj Kroacisë, në një përballje interesante në kuadër të Ligës A të Ligës së Kombeve.

Anglia arriti të marrë tri pikë të rëndësishme, falë golave të Morgan Rogers dhe Harry Kane.

Në minutën e 24-t, Anglia kaloi në epërsi. Morgan Rogers pranoi një pasim brenda zonës së rreptësisë dhe goditi fuqishëm, duke e dërguar topin në rrjetë pranë shtyllës së majtë. Portieri kroat nuk pati mundësi të reagojë.

Kroacia reagoi në minutën e 59-të, kur Petar Suçiç përfitoi nga topi i kthyer brenda zonës dhe me një goditje të fuqishme barazoi rezultatin në 1:1.

Megjithatë, gëzimi i kroatëve zgjati vetëm pesë minuta. Në minutën e 64-t, Harry Kane u tregua i saktë nga pika e bardhë, duke realizuar për 2:1 dhe duke rikthyer epërsinë e Anglisë.

Deri në fund rezultati nuk ndryshoi dhe anglezët arkëtuan tri pikë të rëndësishme.

Në Grupin 3, Anglia renditet në vendin e dytë me 12 pikë, ndërsa Kroacia gjendet një pozitë më poshtë me vetëm 3 pikë.

Sot mund të lexoni Shfletoni kopertinat