Servette Chenois do të jetë në kërkim të një trajneri të ri. Trajneri Cristian Toro do të largohet nga klubi zviceran në fund të vitit, me dëshirën e tij.
Klubi zviceran ka njoftuar të enjten se bashkëpunimi me trajnerin argjentinas-spanjoll do të përfundojë më 1 janar 2027.
Toro, i cili kishte kontratë deri në qershor të vitit 2027, ka shprehur dëshirën për të mos e përmbushur marrëveshjen deri në fund. Vendimi i tij është pranuar dhe respektuar nga drejtuesit e klubit.
Në fillim të vitit të ri, skuadrën do ta drejtojë përkohësisht Jeremie Dussolier, aktualisht drejtor teknik i akademisë së klubit.
Cristian Toro iu bashkua Servette Chênois në verën e vitit 2025 dhe gjatë kësaj periudhe ka drejtuar rreth 50 ndeshje.
Në sezonin e tij të parë, ai arriti ta shpallë klubin kampion dhe fitues të Kupës, duke realizuar dopietën e trofeve.
Ndërkohë, në edicionin aktual e udhëhoqi skuadrën drejt fazës së ligës në Ligën e Kampionëve.
Ndeshjen e fundit në krye të Servette Chênois, Toro do ta zhvillojë më 16 dhjetor, kundër Paris FC, në Ligën e Kampionëve.
Para largimit, skuadrën e presin edhe dy përballje në kampionat, ndaj Luzernit dhe St. Gallenit.
Servette Chenois, që aktualisht kryeson Women's Super League, do ta nisë pjesën e dytë të sezonit me një trajner të ri në pankinë.