Ferizaj është kthyer me pikë të plota nga fusha “Tahir Vokshi” në Brestovik.
Ferizajasit shënuan fitore me rezultat 3:1 ndaj Besës, në takimin e javës së 16-të të Ligës së Parë të Kosovës në futboll.
Për fitoren e Ferizajt realizuan Emir Skenderi (23’), Sinan Kadiri (60’) dhe Artin Kurtaj (90’).
Me këtë fitore, Ferizaj vazhdon garën për kreun e tabelës dhe i afrohet vendit të dytë.
Liria kryeson renditjen me 36 pikë, e ndjekur nga Prishtina e Re me 33 pikë dhe Ferizaj me 30 pikë. Ndërkohë, Besa renditet në vendin e 15-të me 13 pikë.