​Latifi premton më shumë përkrahje të bujqve

Kosova

​Latifi premton më shumë përkrahje të bujqve

Më: 5 korrik 2022 Në ora: 20:20
Samjl Latifi

Kryetari i komunës së Rahovecit, Smajl Latifi ka vizituar bujqit në fshatin Opterush, prej ku ka thënë se komuna që drejton është e orientuar qartë dhe me vendosmëri i jep prioritet bujqësisë, prandaj ndihma e komunës për bujqit është gjithmonë e prekshme dhe e pranishme.

Sipas Latifit, ka disa ditë që kanë filluar korrje-shirjet në komunën e Rahovecit.

“Sot, së bashku me zyrtarët e Drejtorisë për Bujqësi, disa bujq e me kryetarin e shtabit për korrje-shirje në Opterushë Hamdi Mazrekun, dolëm në arat e fshatit ku po korrej gruri. U ndava i gëzuar që bujqit e komunës sonë, përkundër se në kohë të vështira, me rritje çmimesh të farërave, karburanteve e preparateve të nevojshme që nga mbjellja e grurit e deri te korrja, megjithatë po i mbledhin rezultatet e mundit dhe djersës së tyre.

Komuna e Rahovecit është e orientuar qartë dhe me vendosmëri i jep prioritet bujqësisë, prandaj ndihma e komunës për bujqit është gjithmonë e prekshme dhe e pranishme. Politikat tona për përkrahjen e bujqësisë, do të intensifikohen muajve e viteve në vijim”, ka shkruar ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat