Njihuni me Taulant Berishën, djalin nga Gjakova që jeton me shqiponja e skifterë

Lajme

Njihuni me Taulant Berishën, djalin nga Gjakova që jeton me shqiponja e skifterë

Më: 4 shkurt 2021 Në ora: 09:34
Taulant Berisha

Taulant Berisha nga Gjakova është i apasionuar pas kafshëve dhe prej pak kohësh, trajnon shqiponjat e skifterët.

Në një lidhje me skype për emisionin “Wake Up”, u shfaq me skifter në dorë dhe rrëfeu si i lindi dëshira për të trajnuar shpendët grabitqarë.

“Nuk është diçka që ndikoi por isha i apasionuar pas kafshëve dhe shpendëve që kur isha fëmijë. Por ishte një emocion tjetër kur shihja shqiponjat pasi përfaqësojnë trimërinë dhe krenarinë, ndërsa syri i tyre është i mprehtë.

Me kalimin e kohës fillova të njoh dhe njerëz të tjerë sepse është e vështirë të gjesh persona të apasionuar pas këtij sporti. Më pas filluam të shkëmbejmë këshilla dhe kemi arritur sukses në trajnimin e shqiponjave dhe disa lloje të skifterëve.

Ky që kam këtu është skifter fantazmë sepse sulmet e tij në natyrë janë të papritur dhe preja e tij e sheh vetëm 2-3 sekonda para se ta kapë. Do të thotë që fshihet shumë mirë në pyll dhe kur do të sulmojë fshihet dhe kur është i sigurt, del”, tha Berisha.

Sa i përket ushqimit, u shpreh se është e vështirë sepse duhet të sigurojë vetë gjithçka, por kënaqësia që merr është goxha e madhe. Edhe familjen e kishte të vështirë ta bindte, por me kalimin e kohës të gjithë e kuptuan pasionin dhe dëshirën e tij për të trajnuar shqiponjat dhe skifterët.

“Në fillim ishte i vështirë që ti bindja sepse familja mendonte se në momentin që do ta lë të fluturoj, do të ikë dhe i gjithë mundi që kam bërë për të do të shkojë dëm. Gjatë trajnimit, duhet të mbahen lidhur me litar derisa të socializohet me ty dhe kur e kupton që nuk ka më frikë prej teje, e lë tërësisht të lirë”, tha Berisha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat