Presidenti i Serbisë, Aleksandar Vuçiq, ka bërë të ditur se ka pasë biseda të mira me të Dërguarin Special të Departamentit Amerikan të Shtetit për Ballkanin Perëndimor Matthew Palmer dhe Emisarin e BE-së për Dialog Miroslav Lajçak duke thënë se ata nuk kanë ofruar asnjë non paper për të zgjidhur çështjen e Kosovës.
“Nuk ka asnjë non paper. Esenca është që Palmer nuk e fsheh se po kërkojnë njohje reciproke në përputhje me atë që ka shkruar presidenti amerikan Joe Biden.
BE po kërkon normalizim të marrëdhënieve, gjë të cilën e ka shpjeguar Lajçak.
Ne po kërkojmë kompromis dhe nuk jam i sigurt nëse shqiptarët janë gati për kompromis”, ka thënë Vuçiq në RTS.
***
Non paper është një term i përdorur në diplomaci për t’iu referuar një letre që nuk përmban simbole zyrtare të një shteti ose vulën e një qeverie.
