​Sveçla në panairin ndërkombëtar MILIPOL 2021

Lajme

​Sveçla në panairin ndërkombëtar MILIPOL 2021

Më: 24 tetor 2021 Në ora: 21:22
Xhelal Sveçla

Ministri i Punëve të Brendshme Xhelal Sveçla gjatë vizitës në panairin e njohur ndërkombëtar MILIPOL 2021 në Paris, ka deklaruar se ministria që ai drejton është e përkushtuar në forcimin dhe rritjen e kapaciteteve të shtetit të Kosovës dhe avancimin e praktikave përmes bashkëpunimit me shtetet e saj aleate.

Ai gjatë vizitës shoqërohej nga drejtori i Përgjithshëm i Policisë së Kosovës Samedin Mehmeti dhe shefi i njësisë për trajtimin e materieve eksploduese Muhamet Rushiti.

Ministri Sveçla me këtë rast është takuar me homologun e tij francez Gerald Darmanin, me të cilin ka biseduar për thellimin e bashkëpunimit midis dy shteteve, në kuadër të së cilës pret edhe një vizitë nga zyrtari i lartë që në fillim të ardhshëm ta vizitojë vendin tonë.

Sveçla takime ka zhvilluar edhe me drejtorin e Policisë Nacionale të Francës Jerome Leonnet, drejtoreshën për Bashkëpunim Ndërkombëtar Sophie Hatt me Komisarin e përgjithshëm të policisë, udhëheqësin e departamentit të çështjeve evropiane në Policinë Nacionale të Parisit Jean Jacques Colombi dhe drejtorin e Administratës dhe Inspektimit Dalle Michele DuPont, prefektin e Mbrojtjes Civile dhe Menaxhimi të Krizave Alain Thiroin.

Ndryshe, MILIPOL mbahet nën përkujdesjen e Ministrisë së Brendshme të Francës dhe mbledh kompani prodhuese të pajisjeve të sigurisë nga e gjithë bota.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat