Komuna e Drenasit fiton grant 546,646 mijë euro për mjedis të pastër

Lajme

Komuna e Drenasit fiton grant 546,646 mijë euro për mjedis të pastër

Më: 25 nëntor 2021 Në ora: 16:22
Foto ilustrim

Sot, ne një ceremoni të organizuar nga Qeveria e Republikës së Kosovës, është bërë ndarja e çmimeve të Granitit të Performancës Komunale për Mjedis të Pastër, ku kryetari i Komunës, Ramiz Lladrovci ka pranuar këtë çmim dhe vlera e tij është 546,646 mijë euro.

Ne ceremoninë e ndarjes së këtij granti, kanë marr pjesë, Kryeministri i Republikës së Kosovës, Albin Kurti, Ministri i Planifikimit Hapësinor dhe Infrastrukturës, Liburn Aliu, Ministri i MAPL-së, Elbert Krasniqi, Ambasadori i Gjermanisë në Kosovë, Jorn Rohde, Udhëheqësi i Sektorit për Bashkëpunim nga Zyra e Bashkimit Evropian në Kosovë, Luigi Brusa, kryetar të Komunave fituese të këtij granti dhe të pranishëm tjerë.

Kryetari Lladrovci, ka thënë se ky është një lajm i mirë për qytetarët e Drenasit. “546.646 euro është Grant i Performancës komunale-Mjedis i pastër, të cilin sot, zyrtarisht e fitoi komuna e Drenasit. Falënderoj qytetarët, zyrtarët dhe të gjithë ata që i kontribuan arritjes së 73 pikëve dhe grantit, të financuar nga Ministria e Mjedisit, Planifikimit Hapësinor dhe Infrastrukturës, Bashkimit Evropian, German Cooperation dhe GIZ-it gjerman”, ka thënë kryetari Lladrovci.

Skema e Grantit të Performancës Komunale-Mjedis i Pastër, ka shërbyer për të stimuluar konkurrencën e komunave, drejt përmirësimi të shërbimeve të menaxhimit të mbeturinave, në nivel të vendit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat