“Kingji” dhe “Bajrami” i UÇK -së

Lajme

“Kingji” dhe “Bajrami” i UÇK -së

Më: 26 maj 2022 Në ora: 22:24
Pamje nga nderimet për “Kingjin”

Nderimet më të larta, i kanë për ish-bashkëluftëtarin. Ani pse kanë kaluar 23 vjet, Njësiti Special i UÇK-së TF0, nuk e ka harruar shokun e tyre të luftës.

Ky njësit, arriti i pari në Majën e Pashtrikut, ku më pas për dy javë, zhvilloi betejat më të ashpra me forcat serbe.

Por, më 26 maj të vitit 1999, do të ishte hera e fundit që do ta shihnin të gjallë, ish-bashkëluftëtarin e tyre, Florim Rushitin.

Kjo bëri që 20-vjeçari i njohur si “Kingji” të bëhet dëshmori i parë i Operacionit të UÇK-së, të koduar si “Shigjeta”.

Ish-bashkëluftëtari i tij, Sherif Kajtazi, kujton momentet e para, kur nisi Beteja e Pashtrikut.

Kajtazit i kujtohet në detaje edhe hera e fundit që e pa të gjallë, Florim Rushitin.

“U kanë në anën e majtë, ka shku, veç e di që me shlem u kanë, edhe nuk u kthy më, u kanë dita më e vështira”, tha ai.

Por, para se të vritej “Kingji”, u plagos një pjesëtar tjetër i këtij njësiti.

Por Muhamet Bajramin, për 9 orë do ta barte në shpinë, bashkëluftëtari i tij, Zaim Thaçi.

Thaçi, thotë se kishte pak shpresa që shoku i tij i luftës do të shpëtonte.

Përveç Florim Rushitit, në këtë betejë ranë heroikisht edhe 15 ushtarë të tjerë të UÇK-së.

Ndërsa nga forcat serbe, nga Operacioni i UÇK-së “Shigjeta” u vranë afër 100 ushtarë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat