200 shoferë të sanksionuar në Shkup: 97 për vozitje të shpejtë

Maqedonia

200 shoferë të sanksionuar në Shkup: 97 për vozitje të shpejtë

Më: 30 prill 2023 Në ora: 11:04
Foto ilustrim

Sektori i Punëve të Brendshme Shkup edhe gjatë ditës së djeshme (29.04.2023) ka vazhduar me kontrolle në zonën e komunikacionit. Në territorin e qytetit të Shkupit janë shqiptuar gjithsej 200 masa, nga të cilat 97 sanksione për drejtim mjeti mbi shpejtësinë e lejuar, 21 masa për drejtim mjeti pa patentë shofer, shtatë sanksione për automjete me defekte teknike dhe të paregjistruara.

Janë shqiptuar 13 sanksione për drejtim mjeti nën efektin e alkoolit, dy masa për përdorimin e celularit gjatë drejtimit të automjetit, tetë sanksione për kalim sinjali të mbyllur (drita e kuqe).

Kontrollet e trafikut do të vazhdojnë edhe në ditët në vijim.

Apelojmë tek qytetarët që të respektojnë rregullat dhe rregulloret e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta. 

comment Për komente lëvizni më poshtë
Sot mund të lexoni Shfletoni kopertinat