Nënshkruhet Memorandum Bashkëpunimi në mes Kuvendit dhe Avokatit të Popullit në Maqedoni

Maqedonia

Nënshkruhet Memorandum Bashkëpunimi në mes Kuvendit dhe Avokatit të Popullit në Maqedoni

Më: 2 prill 2026 Në ora: 19:03
Pamje nga takimi

Kryetari Kuvendit, Afrim Gashi njofton se sot ka nënshkruar Memorandum Bashkëpunimi me Avokatin e Popullit, e cila ka për qëllim avancimin e mbrojtjes së të drejtave dhe lirive të njeriut.

"Sot në Kuvend nënshkruam Memorandum Bashkëpunimi me Avokatin e Popullit, Faton Selami.

Me këtë bashkëpunim konfirmojmë përkushtimin tonë të përbashkët për avancimin e mbrojtjes së të drejtave dhe lirive të njeriut, përforcimin e sundimit të ligjit dhe ndërtimin e institucioneve më të përgjegjshme dhe më transparente.

Besoj se nëpërmjet partneriteteve të tilla do të kontribuojmë në ndjekje më efikase të rekomandimeve, përmirësim të llogaridhënies institucionale dhe mbrojtje më të fortë të të drejtave të të gjithë qytetarëve", thuhet në njoftimin e Gashit.

Kryetari i Kuvendit, Afrim Gashi, ka njoftuar se gjatë ditës së sotme ka nënshkruar një Memorandum Bashkëpunimi me Avokati i Popullit, me synim avancimin e mbrojtjes së të drejtave dhe lirive të njeriut.

Sipas njoftimit, ky memorandum synon të forcojë bashkëpunimin ndërmjet Kuvendit dhe këtij institucioni të pavarur, duke rritur efikasitetin në trajtimin e çështjeve që lidhen me të drejtat e qytetarëve. Po ashtu, pritet të ndikojë në përmirësimin e mbikëqyrjes së institucioneve publike dhe rritjen e llogaridhënies.

Ky hap konsiderohet i rëndësishëm në drejtim të forcimit të standardeve demokratike dhe sundimit të ligjit, si dhe në garantimin e një mbrojtjeje më të mirë për të drejtat themelore të qytetarëve.

comment Për komente lëvizni më poshtë
Sot mund të lexoni Shfletoni kopertinat